謝霆鋒

陳

柏

潼

八字紫微命理風水研究

柏潼命理

文字方塊: 謝霆鋒八字如下
八字日主甲戌，屬甲木。全局土金相生，只有一粒甲比透天，假從格成，喜土金。格局又係好高，運又好又長。可連續行六七十年好運。成個八字都是土金（咦，無巧不成話，栢芝命屬丁火，喜土金，所以霆鋒對栢芝嚟講好有吸引力。又咁啱栢芝八字又係成局土金，霆鋒八字又喜土金，互相吸引 !!）　　兩個人走在一起，一定有箇中原因，緣分由天賜，唔到你唔信。引用一下近日『名句』“至於你信不信，我反正信了” 八字日柱甲戌，與旁邊時柱戊辰天尅地沖，沖同樣涉及日支夫妻宮，同栢芝一樣，原局已經隱藏著婚姻不美嘅訊號，待嵗運誘發。 2011年辛卯年，與八字日柱甲戌天尅地合，天干辛金尅日主甲木，地支才星被合走（卯戌合化火），加上卯木克戌土，大運亥卯合木（雖然不化），亦是尅才星土，才星（即老婆）受傷又被合，容易有分離現象，加上原局已經有沖，分離難免。自己八字裏有呢個訊號，同時栢芝的命局面於辛卯年亦主分離，故兩人分手收場，命運使然。謝霆鋒係擇日剖腹出世，參看嵗運，賺錢能力很高，行14-23，24-33大運會出名，因名得財，身家過億，步入14嵗大運，行火土運，天干透火(食)地支補原局嘅才根,應因名得財。16,17嵗入娛樂圈，已經出名，有名有錢，之後更一直走紅。 2002年壬午年，壬為水，尅大運的丙火，主有損名譽，唔開心。咁啱午戌化火（把原局才星合去，辰才本來已經長期處於沖的狀態），甲命人火金交戰易有官非訴訟，丟官之應。流年天尅地會大運，易有麻煩事。水運主有損名譽，火金交戰，同年應官非。幸好天干仲有一粒土(才)，地支又有一粒辰土（雖長期處於沖的狀態）通關，不致太大件事。此例又一證明剖腹產子的八字亦一樣可用可信，大運流年一樣應驗。仲有聼講早在謝霆鋒出生之前，父母已經請來玄學家為他們“籌備”。他不單只是擇日剖腹，連受孕時間都考慮埋，以確保在預產期前可剖腹時段落喺既定嘅時間。不過如果真的要揀，點解唔揀下一個時辰“己巳”。如果是時辰“己巳” - 既可避開天尅地沖時柱， - 令日支戌面沖，可能唔駛離婚， - 亦可避開嵗運“子” 嘅申子辰忌神水局，此命行水運容易身體有病，損名譽。 - 地支又多一粒巳火(食)爲護財通關,全局免於才生殺旺，命主性格無咁偏激，行卯運（如2011辛卯），卯生巳，不直接尅戌才 - 不過錢就可能無嚟得咁急，唔係一舊舊咁嚟。但都會發富，不過就無發得咁大。 - 當行甲運就甲己合才，依然會大發 - 不過可能係考慮到54嵗大運（庚寅）要避免寅申巳三刑。“寅申巳”入命不利自己，易受傷（交通/意外受傷），亦不利六親。可能係因爲這個原因，所以最後選了辰時。八字命理，係前人幾千年經驗累積所得出黎嘅統計，幾有趣。

關於陳師傅

陳師傅文章

返回陳師傅文章總滙