師傅，唔讀書得唔得呀（二）

陳

柏

潼

八字紫微命理風水研究

柏潼命理

文字方塊: 師傅，唔讀書得唔得呀（二）承上篇《師傅，唔讀書得唔得呀（一）》現實一點比較，一個是有學歷，有專業一點技術，有知識的人；另一個中五畢業，英文普通話非常普通的人比較，邊個會較容易食得到正好運？邊個會更有效leverage 到個運勢。答案顯然易見。以第二個讀書較少那位為例子，如果行好運，對事業幫助未必那麽明顯。明明做緊例如速遞員（大家唔好介意，no offence at all, 只是擧擧例子俾大家感受一下），行到事業好D嘅運，可能係轉到一間大D嘅公司，做到一個小team head，lead住其他幾個速遞同事而已。得益唔顯著。因爲學歷、學識已經大大限制左佢發展既框框。另外一個女性朋友。中五畢業。今時今日社會算頗低，競爭力較弱。十年前認識佢。我同佢講要有一門專業技能，一定要有學歷，如果唔係好易被淘汰，到你三十幾嵗萬一被炒，好難再同人爭。（我批命，唔單止講你幾時好運幾時唔好運，我個角色最重要係提點你咩時候應該做乜，咁樣知命先有意義）呢個可能係我同其它師傅最唔同既地方。結果，佢先去讀LCC（會計學科），我覺得唔太夠，鼓勵佢再報考ACCA (一個英國會計師專業資格的考試) 呢個算是十分難考嘅試。當然需要非常好的意志，耐力，堅持先可以完成呢个任務，尤其係對一個唔係大學會計系畢業的人來説，非常難，日抖返工，夜晚讀書，好辛苦架！考完之後ACCA再讀part time master 。
講真，我非常非常佩服佢嘅鬥志，少D堅持都搞唔掂，好老實。結果，大家知道嗎，經過佢不斷努力，近呢五年，佢事業運順就得到發揮機會，得到上司賞識，連連升職加薪，而家月入過十萬，年薪過百！呢個係活生生例子。試想想，如果十年前無讀書，就算運順，可以去到呢個層次嗎？不如你答我，老闆憑乜嘢俾十皮嘢一個月俾你呀！！佢有今時今日嘅成績，當然，運氣是需要的，有它發揮的威力，但如果自己配套都唔夠，你能夠抓得住運氣嗎？呢個係一個好好的借鏡。真人真事！知命而行順境時把握機會, 配合天時地利人和; 逆境時自我增值保持積極多行善積德（陳柏潼）呢個就係改運的其中一個中心思想。與其等運氣黎，不如你主動去搵佢啦。

關於陳師傅

陳師傅文章

返回陳師傅文章總滙