搵工篇 (一)

陳

柏

潼

八字紫微命理風水研究

柏潼命理

文字方塊: 職場必殺技 - 搵工篇 (一) 想搵份好工，點樣先可以增加自己interview嘅機會？應該從resume入手。呢個非常非常非常非常非常重要。原因好簡單，僱主對你一無所知，唯一可以access到你嘅一切，就只有睇你嘅 resume. Resume 能帶出你嘅優點，你就成功咗第一步，攞個interview 機會先。而家教你地點樣去整理好你份resume. 因爲我之前都見過太多失敗例子，希望可以同大家分享下，希望大家唔好重蹈覆轍。 1. 無論報邊份工，都係同一份resume – 此乃大錯特錯！因爲每一份工的工作性質不可能絕對一樣。如果你份resume唔會因應想報果份工去作出針對性修改調整，基本上就好難可以令interviewer覺得你好fit呢份工。擧個例子：某某做過shipping clerk, bank sales, customer services, admin clerk. 見到有空缺請Admin文員, 因爲之前曾經做過admin部門，應該要將果份工你之前所負責盡量寫得詳盡Ｄ．因爲僱主非常簡單直接，如果你有相關經驗，負責過嘅嘢又係呢個空缺所需要的，有面試嘅機會就會大大提高。 2. Resume 一定要真確，因爲好多公司都會搵番你嘅舊僱主check. 如果resume裏面任何資料不盡不實就真係好大件事，分分鐘惹官非。３. Resume一定要小心複核，千祈唔好寫錯字串錯字，内容要清晰，排版要整齊。呢個好基本，大家應該無異議。所以當你整好份resume，可以請你地Ｄ朋友幫忙睇睇。人好奇妙（亦好奇怪），自己總係睇唔到自己寫錯嘅嘢。４.Resume要控制在兩版 (不可以超過三版)。太長會information overwhelm, 人地無心機咁仔細睇。寫住咁多先，待續。。。。.

關於陳師傅

陳師傅文章

返回陳師傅文章總滙