搵工篇 (三) Interview技巧

陳

柏

潼

八字紫微命理風水研究

柏潼命理

文字方塊: 職場必殺技 - 搵工篇 (三) Interview技巧
( 如果對呢篇文章有同感或覺得好的話，希望你地同朋友分享；請按按上面LIKE鼓勵，你的支持會係我最大嘅動力，謝謝支持！ ) 如果LIKE本人Facebook page (陳柏潼　八字命理 - 你的生活顧問) AND add as Facebook Friend (http://facebook.com/chanpaxton)，我樂意免費回答你地一條玄學上的問題, 請通過本人FACEBOOK message box 問你想知嘅嘢！另外仲可以隨時得到第一手BLOG嘅資訊。多謝支持！喺做呢行之前，我都係打工仔，仲好有interview經驗添。我有一份工見左九個round先被取錄。。。。無錯！！係九個round, 好艱辛！之後又負責做interviewer, 大大話話都見過成百個candidates，只可以講真係千奇百趣，乜人都有，見過好多interview所犯嘅毛病，所以好多實戰經驗可以同大家分享下。繼寫resume技巧之後，今次同大家講講interview要注意嘅嘢 1 Interview 非常重要，因爲呢個係同雇主面對面談話嘅機會，所以你嘅表現直接影響對你嘅印象（當然某程度上佢睇你resume都知道你以往嘅經驗啱唔啱，不過如果interview 表現好就加強請你嘅意欲） 2 除左工作上的相關經驗外，你嘅性格，行爲，style，工作態度佢地都會留意，然後assess 你是否適合（係，必須承認，呢個係單方面相當主觀嘅感覺，但無辦法，搵工就係咁，就係果半個鐘一個鐘決定你得唔得，所以一定要好好把握呢段時間，好好表現下自己長處） 3 所以interview一定要準備，唔係普通嘅準備，而係好好咁準備，確保你自己就算因緊張打完折扣都可以有唔錯嘅表現。 4 Preparation is the KEY. 相信個個都會，但點先為之準備得好，就係聰明地準備，好好諗下。唔好求求其其。 5 首先，記住，你要好清楚知道間公司做D乜，背景/歷史係點，連公司資料背景細節都唔知，被人一問就穿底，印象大打折扣（哇，咁都唔知係咪有心做架），而且自己大亂陣腳，影響埋餘下落黎。而家互聯網發達，好多公司都有網頁，如有，上呢間公司webpage 睇下，呢一步必須要做，又容易又多資料又“免費”. 6 呢部分大多數人都會忽略 ---“回顧”一下你分resume寫左D乜，有無D地方容易令interviewer問你（甚至攻擊你，一定要做好兩手準備） 7 準備一系列potential 問題同埋你嘅答案。 Once Again記住Preparation is the KEY !!! 8 大家如果試過interview, 都知道某D問題好大機會問（甚至實問），既然都知道，點解唔好好咁準備下，起碼唔好連介紹自己咁基本都口窒窒。下一篇介紹下一D要準備嘅問題。

關於陳師傅

陳師傅文章

返回陳師傅文章總滙