新屋入伙須知

陳

柏

潼

八字紫微命理風水研究

柏潼命理

文字方塊: 新屋入伙須知新屋入伙最緊要大吉大利。首先要擇個吉日吉時，一般睇通勝可以睇到邊日宜入伙遷徙，但一樣嘢要注意，就必須要避免同屋內人八字有沖刑嘅日子。如果一兩個人住都仲較易辦，容易D避到沖刑，咁如果間屋好多人住，個個八字唔同點算? 一般首要着重嘅係屋主，即係主要搵錢嗰個。

入伙前唔好喺新屋度過夜。

擇左吉日吉時，入伙當日，吉時入屋。入到屋拜四角中宮，由間屋嘅吉位拜起，順時針拜哂四角。最後拜中宮。
拜四角物品，而家都一切從簡，香燭是基本，其他可以自己衡量 - 香燭5對
- 衣寳
- 燒肉
- 酒
- 生果

風生水起
有人亦提議煲水，直至水滾，同埋開住全屋風扇，喻意風生水起。

跟住主人房安床，舖新床單，床單顔色最好配合主人房風水宮位及星　以及屋主命格；舖好床後放兩封利是於枕頭底就大功告成。

關於陳師傅

陳師傅文章

返回陳師傅文章總滙